ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/99

ਇਹ ਸਫ਼ਾ ਪ੍ਰਮਾਣਿਤ ਹੈ

ਮੂਹੜਾ ਪੀਹੜੀ ਡਾਹ ਕੇ ਪੁੱਛੂ
ਕਿਥੇ ਦਾ ਆ ਗਿਆ ਨਾਈ
ਨਾਈ ਨਾਈ ਨਾ ਕਰ ਨੀ ਬੁੜ੍ਹੀਏ
ਮੈਂ ਹਾਂ ਤੇਰਾ ਜਮਾਈ
ਜੇ ਮੁੰਡਿਆਂ ਧੀ ਲਜਾਣੀ
ਅੱਸੂ ਕੱਤੇ ਲਜਾਈਂ
ਮਾਂ ਮਰਾਵੇ ਤੇਰਾ ਅੱਸੂ ਕੱਤਾ
ਬਾਹੋਂ ਫੜ ਕੇ ਮੂਹਰੇ ਕਰਲੀ
ਮਗਰੇ ਬਹੂ ਦਾ ਭਾਈ
ਮੁੜ ਜਾ ਵੇ ਵੀਰਾ-
ਲੜ ਚੰਦਰੇ ਦੇ ਲਾਈ
266
ਜੇ ਮੁੰਡਿਆ ਤੋਂ ਸਹੁਰੀਂ ਜਾਣਾ
ਜੇ ਮੁੰਡਿਆ ਤੂੰ ਰਾਹ ਨੀ ਜਾਣਦਾ
ਰਾਹ ਹੈ ਬੇਰੀਆਂ ਵਾਲਾ
ਜੇ ਮੁੰਡਿਆਂ ਤੂੰ ਘਰ ਨੀ ਜਾਣਦਾ
ਘਰ ਹੈ ਚੁਬਾਰੇ ਵਾਲਾ
ਜੇ ਮੁੰਡਿਆਂ ਨੂੰ ਨਾਉਂ ਨੀ ਜਾਣਦਾ
ਨਾਉਂ ਹਰ ਕੁਰ ਤੇ ਦਰਬਾਰਾ
ਰਾਤੀਂ ਧਾੜ ਪਈ-
ਲੁਟ ਲਿਆ ਤਖਤ ਹਜ਼ਾਰਾ
267
ਸਹੁਰਾ
ਕੋਰੇ ਕੋਰੇ ਕੁੱਜੇ ਵਿੱਚ
ਮਿਰਚਾਂ ਮੈਂ ਰਗੜਾਂ
ਸਹੁਰੇ ਦੀ ਅੱਖ ਵਿੱਚ
ਪਾ ਦਿੰਨੀਆਂ
ਘੁੰਡ ਕੱਢਣੇ ਦੀ ਰੜਕ
ਮਿਟਾ ਦਿੰਨੀਆਂ
268
ਸਹੁਰਾ-ਨੂੰਹ
ਨੂੰਹ ਸਹੁਰੇ ਦੀ ਸੁਣੋਂਂ ਵਾਰਤਾ
ਖੋਲ੍ਹ ਸੁਣਾਵਾਂ ਸਾਰੀ

95