ਇਹ ਸਫ਼ਾ ਪ੍ਰਮਾਣਿਤ ਹੈ
ਖ਼ਬਰਾਂ ਲਿਆ ਕਾਵਾਂ-
ਤੈਨੂੰ ਘਿਓ ਦੀ ਚੂਰੀ ਪਾਵਾਂ
131
ਕੋਇਲ ਤੇ ਕਾਂ
ਬਾਗਾਂ ਦੇ ਵਿੱਚ ਕੋਇਲ ਬੋਲਦੀ
ਬੋਲ ਜੰਗਲ ਦਿਆ ਕਾਵਾਂ
ਸੱਸ ਨੂੰ ਯਾਰ ਜਮਾਈ ਪੁੱਛਦਾ
ਕਦੋਂ ਦਊਂਗੀ ਮੁਕਲਾਵਾ
ਧੀ ਮੇਰੀ ਨਰਮ ਜਹੀ
ਭਾਦੋਂ ਦਾ ਮੁਕਲਾਵਾ
ਬਸਰੇ ਨੂੰ ਊਠ ਜੂੰ ਗਾ
ਮੂੰਹ ਸਿਰ ਕਰਕੇ ਕਾਲਾ
ਬੱਚਾ ਤੈਨੂੰ ਕੀਹਨੇ ਸੱਦਿਆ
ਪੁਛ ਲੈ ਧੀ ਕੋਲੋਂ
ਉਹਨੇ ਕਦੋਂ ਦਾ ਜ਼ੋਰ ਪਾਇਆ
ਧੀਏ ਤੈਨੂੰ ਅੱਗ ਲਗ ਜੈ
ਸਣੇ ਸੁਥਣ ਫੁਲਕਾਰੀ
ਬਾਪੂ ਜੀ ਨੂੰ ਖਿਝ ਚੜ੍ਹਗੀ
ਧੀ ਚੱਕ ਕੇ ਮਹਿਲ ਨਾਲ ਮਾਰੀ
ਤੜਕਿਓਂ ਭਾਲੇਂਗਾ-
ਨਰਮ ਕਾਲਜੇ ਵਾਲੀ
132
ਝਾਵਾਂ ਝਾਵਾਂ ਝਾਵਾਂ
ਜੁੱਤੀ ਤੇਰੀ ਮਖਮਲ ਦੀ
ਮੈਂ ਪੈਰਾਂ ਵਿੱਚ ਦੀ ਪਾਵਾਂ
ਟਾਹਲੀ ਉੱਤੇ ਬੋਲ ਤੋਤਿਆ
ਤੇਰੇ ਰੰਗ ਦੀ ਕਮੀਜ਼ ਸੁਆਵਾਂ
ਪੁੱਤੇ ਮੇਰੇ ਸਹੁਰੇ ਦਾ
ਲੱਗੀ ਲਾਮ ਤੇ ਲੁਆ ਲਿਆ ਨਾਵਾਂ
ਜਾਂਦਾ ਹੋਇਆ ਦਸ ਨਾ ਗਿਆ
ਮੈਂ ਚਿੱਠੀਆਂ ਕਿੱਧਰ ਨੂੰ ਪਾਵਾਂ
ਕੋਲਾਂ ਕੂਕਦੀਆਂ-
ਕਿਤੇ ਬੋਲ ਚੰਦਰਿਆ ਕਾਵਾਂ
56
