ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/241

ਇਹ ਸਫ਼ਾ ਪ੍ਰਮਾਣਿਤ ਹੈ

484
ਦੇਖੀਂ ਧੀਏ ਨਿੰਦ ਨਾ ਦਈਂ
ਪੁੱਤ ਬਖਤਾਵਰਾਂ ਦੇ ਕਾਲੇ
485
ਸਾਥੋਂ ਹਾਏ ਨਿੰਦਿਆ ਨਾ ਜਾਵੇ
ਤੇਰੀ ਵੇ ਸਹੇੜ ਬਾਬਲਾ
486
ਨਿੰਦੀਏ ਨਾ ਮਾਲਕ ਨੂੰ
ਭਾਵੇਂ ਹੋਵੇ ਕੰਬਲੀ ਤੋਂ ਕਾਲਾ
487
ਅੱਗੇ ਤੇਰੇ ਭਾਗ ਬੱਚੀਏ
ਲੜ ਬਖਤਾਵਰਾਂ ਦੇ ਲਾਈ
488
ਬਾਪੂ ਭੁੱਖਾ ਤੀਵੀਆਂ ਦਾ
ਜੀਹਨੇ ਧੀ ਦਾ ਦਰਦ ਨਾ ਕੀਤਾ
489
ਨਹੀਂ ਬਾਪੂ ਮੈਂ ਮਰ ਜਾਂ
ਨਹੀਂ ਮਰ ਜੇ ਕੁੜਮਣੀ ਤੇਰੀ
490
ਤੂੰ ਤਾਂ ਧੀਏ ਅੱਜ ਮਰ ਜਾ
ਜਗ ਜੀਵੇ ਕੁੜਮਣੀ ਮੇਰੀ
491
ਮੇਰੀ ਸੱਸ ਦੇ ਚਿਲਕਣੇ ਵਾਲੇ
ਬਾਪੂ ਮੈਨੂੰ ਸੰਗ ਲੱਗਦੀ
492
ਉਹਨੇ ਆਪਣੇ ਸ਼ੌਕ ਨੂੰ ਪਾਏ
ਤੈਨੂੰ ਕਾਹਦੀ ਸੰਗ ਬੱਚੀਏ
493
ਗੋਰੇ ਰੰਗ ਦੀ ਕਦਰ ਨਾ ਪਾਈ
ਬਾਪੂ ਤੇਰੇ ਕੁੜਮਾਂ ਨੇ
494
ਬਾਪੂ ਤੇਰੇ ਕੁੜਮਾਂ ਦੀ
ਕੁੱਤੀ ਮਰਗੀ ਗੱਠੇ ਦਾ ਪੱਤ ਖਾ ਕੇ

239