ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/230

ਇਹ ਸਫ਼ਾ ਪ੍ਰਮਾਣਿਤ ਹੈ

381
ਮੈਨੂੰ ਬੋਸਕੀ ਦਾ ਸੂਟ ਸਮਾ ਦੇ
ਭੁੱਲਾਂ ਨਾ ਹਸਾਨ ਮਿੱਤਰਾ
382
ਮੇਰਾ ਡਿੱਗਿਆ ਰੁਮਾਲ ਫੜਾ ਦੇ
ਡੰਡੀ ਡੰਡੀ ਜਾਣ ਵਾਲਿਆ
383
ਲੌਂਗ
ਸੱਗੀ ਫੁੱਲ ਸਰਕਾਰੀ ਗਹਿਣਾ
ਤੀਲੀ ਲੌਂਗ ਕੰਜਰਾਂ ਦੇ
384
ਡੁੱਬ ਜਾਣ ਘਰਾਂ ਦੀਆਂ ਗਰਜ਼ਾਂ
ਲੌਂਗ ਕਰਾਉਣਾ ਸੀ
385
ਤੇਰੇ ਲੌਂਗ ਦਾ ਪਿਆ ਲਸ਼ਕਾਰਾ
ਹਾਲੀਆਂ ਨੇ ਹਲ਼ ਡੱਕ ਲਏ
386
ਤੇਰੇ ਲੌਂਗ ਦੀ ਚਾਨਣੀ ਮਾਰੇ
ਪੱਲਾ ਲੈ ਲੈ ਗੋਰੀਏ ਰੰਨੇ
387
ਤੀਲੀ ਲੌਂਗ ਵਾਲੀਏ ਰੰਨੇ
ਤੇਰਾ ਟਮਕ ਅਵਾਜ਼ਾਂ ਮਾਰੇ
388
ਤੀਲੀ ਲੌਂਗ ਦਾ ਮੁਕੱਦਮਾ ਭਾਰੀ
ਠਾਣੇਦਾਰਾ ਸੋਚ ਕੇ ਕਰੀਂ
389
ਤੀਲੀ ਰੁਸ ਕੇ ਪਹੇ ਦੇ ਵਿੱਚ ਬਹਿਗੀ
ਲੌਂਗ ਪਿਆ ਮਿੰਨਤਾਂ ਕਰੇ
390
ਨੱਕ ਦੀ ਜੜ ਪੱਟ ਲੀ
ਪਾਕੇ ਲੌਂਗ ਬਗਾਨਾ
391
ਪਤਲੀ ਨਾਰ ਦਾ ਗਹਿਣਾ
ਲੌਂਗ ਤਵੀਤੜੀਆਂ

228