ਇਹ ਸਫ਼ਾ ਪ੍ਰਮਾਣਿਤ ਹੈ
559
ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ
ਭਨ ਭਨੇ ਸੁਟਦੀ ਕਾਨੇ
ਏਸ ਦੇਸ਼ ਮੇਰਾ ਜੀ ਨੀ ਲੱਗਦਾ
ਲੈ ਚੱਲ ਦੇਸ ਬਿਗਾਨੇ
ਏਸ ਦੇਸ਼ ਦੇ ਕੁੱਤੇ ਭੌਂਕਣ
ਗਿੱਦੜ ਲਾਉਣ ਬਹਾਨੇ
ਇਕ ਗਿੱਦੜ ਨੇ ਮਹਿਲ ਪੁਆਇਆ
ਗੱਭੇ ਰਖਾਈ ਮੋਰੀ
ਪਹਿਲਾਂ ਲੰਘਿਆ ਸਮੁੰਦਰੀ ਤੋਤਾ
ਫੇਰ ਲੰਘੀ ਰੰਨਾਂ ਦੀ ਜੋੜੀ
ਘੇਰੀਂ ਵੇ ਮਿੱਤਰਾ-
ਲੰਘਗੀ ਰੰਨਾਂ ਦੀ ਜੋੜੀ
560
ਰੜਕੇ ਰੜਕੇ
ਰੜਕੇ ਰੜਕੇ ਰੜਕੇ
ਗੈਂ ਪਟਵਾਰੀ ਦੀ
ਦੋ ਲੈਗੇ ਚੋਰੜੇ ਫੜਕੇ
ਅੱਧਿਆਂ ਨੂੰ ਚਾਓ ਚੜਿਆ
ਅੱਧੇ ਰੋਂਦੇ ਮੱਥੇ ਹੱਥ ਧਰਕੇ
ਮੁੰਡਾ ਪਟਵਾਰੀ ਦਾ
ਬਹਿ ਗਿਆ ਕਤਾਬਾਂ ਫੜਕੇ
ਝਾਂਜਰ ਪਤਲੋ ਦੀ
ਠਾਣੇਦਾਰ ਦੇ ਚੁਬਾਰੇ ਵਿੱਚ ਖੜਕੇ
ਦਾਰੂ ਪੀਣਿਆਂ ਦੇ-
ਹਿੱਕ ਤੇ ਗੰਡਾਸੀ ਖੜਕੇ
561
ਰੜਕੇ ਰੜਕੇ ਰੜਕੇ
ਗੈਂ ਪਟਵਾਰੀ ਦੀ
ਚਾਰ ਲੈ ਗੇ ਚੋਰੜੇ ਫੜਕੇ
ਦੋਂਹ ਨੂੰ ਚਾਅ ਚੜ੍ਹਿਆ
ਦੋ ਰੋਣ ਮੱਥੇ ਤੇ ਹੱਥ ਧਰਕੇ
ਝਾਂਜਰ ਪਤਲੋ ਦੀ
ਠਾਣੇਦਾਰ ਦੇ ਚੁਬਾਰੇ ਵਿੱਚ ਖੜਕੇ
ਸੱਤ ਮੁੰਡੇ ਉੱਗੀਆਂ ਦੇ
173
