ਇਹ ਸਫ਼ਾ ਪ੍ਰਮਾਣਿਤ ਹੈ
ਮੈਂ ਬਹਿ ਕੇ ਕੀਰਨੇ ਪਾਵਾਂ
ਮਾਂ ਨੂੰ ਧੀ ਪੁੱਛਦੀ
ਮੈਂ ਹੁਣ ਕੀ ਲਾਜ ਬਣਾਵਾਂ
ਕੁੜਤੀ ਪਾਟੀ ਦਾ
ਤੂੰ ਮੰਗ ਮਿੱਤਰਾਂ ਤੋਂ ਨਾਮਾਂ
ਨੀਮੀ ਪਾ ਕੇ ਲੰਘ ਜਾਂਦਾ
ਮੈਂ ਸਾਈ ਦੰਦਾਂ ਦੀ ਲਾਮਾਂ
ਚੌਂਂਕ ਚੰਦ ਮੈਂ ਗੁੰਦ ਲਏ ਨੇ
ਹਿੱਕ ਤੇ ਜੰਜੀਰਾਂ ਪਾਵਾਂ
ਕੰਤ ਮਝੇਰੂ ਦਾ-
ਹੁਣ ਕੀ ਲਾਜ ਬਣਾਵਾਂ
342
ਧਰਤੀ ਮੈਨੂੰ ਵੱਢ ਵੱਢ ਖਾਂਦੀ
ਕੀ ਮੈਂ ਲਾਜ ਬਣਾਵਾਂ
ਇਕ ਤਾਂ ਬਚੋਲੇ ਨੇ ਕੀਤਾ ਧੋਖਾ
ਕੰਤ ਟੋਲਤਾ ਨਿਆਣਾ
ਜਾਂ ਤਾਂ ਏਥੇ ਬਹਿਜਾਂ ਵਹਿਰ ਕੇ
ਜਾਂ ਵਿਹੁ ਖਾ ਕੇ ਮਰ ਜਾਵਾਂ
ਕੰਤ ਮਝੇਰੂ ਨਾਲ-
ਭੁਲ ਕੇ ਲੈ ਲੀਆਂ ਲਾਮਾਂ
343
ਬਾਰੀਂ ਬਰਸੀਂ ਖੱਟ ਕੇ ਲਿਆਇਆ
ਖੱਟ ਕੇ ਲਿਆਂਦੇ ਧਾਗੇ
ਜਿਦ੍ਹੇ ਨਾਲ ਮੈਂ ਵਿਆਹੀ-
ਸੁੱਤਾ ਪਿਆ ਨਾ ਜਾਗੇ
344
ਬਾਰੀਂ ਬਰਸੀਂ ਖੱਟ ਕੇ ਲਿਆਇਆ
ਖੱਟ ਕੇ ਲਿਆਂਦਾ ਫੀਤਾ
ਤੇਰੇ ਘਰ ਕੀ ਵਸਣਾ
ਤੂੰ ਮਿਡਲ ਪਾਸ ਨਾ ਕੀਤਾ
345
ਵਿਹਲ੍ਹੜ ਸ਼ੁਕੀਨ
ਨ੍ਹਾ ਧੋ ਕੇ ਮੁੰਡਾ ਖੁੰਡਾਂ ਤੇ ਬਹਿੰਦਾ
ਅੱਧੀ ਰਾਤ੍ਹੀ ਆਉਂਦਾ ਨੀ
ਸਾਡੀ ਅਸਰਾਂ ਦੀ ਨੀਂਦ ਗੁਆਉਂਦਾ ਨੀ
115
