ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
੯. ਧ੍ਯਾਨ ਦੀ ਧੁੰਦ ਜੇਹੀ
੧.
ਬੁਧ-ਆਰਟ (ਹੁਨਰ) ਥੀਂ ਪੁਰਾਣਾ ਨਵਾਂ ਆਰਟ ਵੀ
ਪੂਰਬ ਦਾ ਬਹੁੰ ਸਾਰਾ,
ਕੁਛ ਫਲਸਫੇ ਦੀ ਗੁਫਾ ਦਾ ਹਨੇਰ ਨਾਲ ਲਿਆ ਹੋਯਾ,
ਕੁਛ ਧਿਆਨ ਦੀ ਧੁੰਦ ਜੇਹੀ ਨਾਲ, ਨਾਲ,
ਹਾਲੇ ਪੂਰਾ ਠੀਕ ਨਾਂਹ, ਹੋਰ, ਹੋਰ, ਨਵਾਂ, ਨਵਾਂ
ਹੋਵਣਾ,
ਪਿੱਛੇ ਦੀਆਂ ਗਈਆਂ ਗੁਜ਼ਰੀਆਂ ਗੱਲਾਂ ਦੀ ਪੁਰਾਣੀ
ਸੁਹਣੱਪ ਠੀਕ ਹੈ,
ਪਰ ਸੱਚ ਪੁਰਾਣਾ ਮੁੜ ਨਵਾਂ, ਨਵਾਂ ਘੜਨਾ, ਅਵੈਸ਼ ਨੂੰ
ਵੇਖਣਾ, ਅਵੈਸ਼ ਰੱਬੀ ਮੁੜ ਲੋਚਣਾ,
ਪੁਰਾਣੇ ਇਤਹਾਸ ਹੁਨਰ ਦੀਆਂ ਠੀਕਰੀਆਂ ਨੂੰ
ਮੁੜ ਮੁੜ ਜੋੜਨਾ, ਬੋਲੀ ਜਿਹੀ ਸਿੱਖਣ ਨੂੰ
ਤਾਂ ਠੀਕ ਹੈ,
ਪਰ ਨਵੇਂ ਦਿਨ ਦੇ ਮੱਥੇ ਤੇ ਰੇਖ ਨਈ, ਓਪਰੀ
ਜੇਹੜੀ ਹਾਲੇ ਪਿੱਛੇ ਮੁੜੀਆਂ ਅੱਖਾਂ, ਤੱਕੀ ਨਾਂਹ,
ਹਾਲੇ ਅੱਖਾਂ ਖੋਹਲ ਤੱਕਣਾ,
ਆਰਟ ਪੂਰਬ ਦਾ, ਪੱਛਮ ਦਾ ਇੱਕ ਹੋ, ਨਵਾਂ, ਨਵਾਂ
ਹੋਣਾ !!
… … …
… … …
੫੮
