ਪੰਨਾ:ਕਾਫ਼ੀਆਂ ਬੁੱਲ੍ਹੇ ਸ਼ਾਹ - ਚਰਨ ਪਪਰਾਲਵੀ.pdf/121

ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਹੱਸ ਖੇਡ ਮੁੜ ਮਾਟੀ ਹੋਈ
ਮਾਟੀ ਪਾਓਂ ਪਸਾਰ।
ਬੁਲ੍ਹਾ ਇਹ ਬੁਝਾਰਤ ਬੁੱਝੇ
ਲਾਹਿ ਸਿਰੋਂ ਭੁਇਂਂ ਭਾਰ
ਮਾਟੀ ਕੁਦਮ ਕਰੇਂਦੀ ਯਾਰ।


ਮਾਏ ਨਾ ਮੁੜਦਾ ਇਸ਼ਕ ਦੀਵਾਨਾ


ਮਾਏ ਨਾ ਮੁੜਦਾ ਇਸ਼ਕ ਦੀਵਾਨਾ
ਸ਼ਹੁ ਨਾਲ ਪ੍ਰੀਤਾਂ ਲਾਕੇ।


ਇਸ਼ਕ ਸ਼ਹ੍ਹਾ ਦੀ ਲੱਗ ਗਈ ਬਾਜ਼ੀ
ਖੇਤਾਂ ਮੈਂ ਦਾਊ ਲਾ ਕੇ।
ਮਾਰਨ ਬੋਲੀ ਤੇ ਬੋਲੀ ਨਾ ਬੋਲਾਂ
ਸੁਣਾ ਨਾ ਕੰਨ ਲਾ ਕੇ।
ਮਾਏ ਨਾ ਮੁੜਦਾ.....


ਵਿਹੜੇ ਵਿੱਚ ਸ਼ੈਤਾਨ ਨਚੇਂਦਾ
ਉਸਨੂੰ ਰੱਖ ਸਮਝਾਕੇ।
ਤੋੜ ਸ਼ਰ੍ਹਾ ਨੂੰ ਜਿੱਤ ਲਈ ਬਾਜ਼ੀ
ਫਿਰਦੀ ਨੱਕ ਵਚਾਕੇ।
ਮਾਏ ਨਾ ਮੁੜਦਾ.....


ਮੈਂ ਵੀ ਅੰਞਾਣੀ ਖੇਡ ਵਿਗੁੱਚੀਆਂ
ਖੇਡਾ ਮੈਂ ਆਕੇ-ਬਾਕੇ।
ਇਹ ਖੇਡਾਂ ਹੁਣ ਲਗਦੀਆਂ ਝੇਡਾਂ
ਘਰ ਪੀਆ ਦੇ ਆਕੇ।
ਮਾਏ ਨਾ ਮੁੜਦਾ.....

119