ਇਹ ਸਫ਼ਾ ਪ੍ਰਮਾਣਿਤ ਹੈ
ਜਿਸ ਠਾਣੇ ਦਾ ਮਾਣ ਕਰੇਂ ਤੂੰ
ਤੇਰੇ ਨਾਲ ਨਾ, ਜਾਸੀ ਠਾਣਾ।
ਤੂੰ ਕਿਧਰੋਂ ਆਇਆ.....
ਜ਼ੁਲਮ ਕਰੇਂ ਤੇ ਲੋਕ ਸਤਾਵੇਂ
ਕਸਬ ਫੜਿਓ ਲੁੱਟ ਖਾਣਾ।
ਮਹਿਬੂਬ ਸੁਜਾਨੀ ਕਰੇ ਅਸਾਨੀ
ਖੌਫ ਜਾਏ ਮਲਕਾਣਾ।
ਤੂੰ ਕਿਧਰੋਂ ਆਇਆ.....
ਸ਼ਹਿਰ ਖਾਮੋਸ਼ਾਂ ਦੇ ਚਲ ਵਸੀਏ
ਜਿੱਥੇ ਮੁਲਕ ਸਮਾਣਾ
ਭਰ-ਭਰ ਪੂਰ ਲੰਘਾਵੇ ਡਾਹਢਾ
ਮੁਲਕਉਲ-ਮੌਤ ਮੁਹਾਣਾ।
ਤੂੰ ਕਿਧਰੋਂ ਆਇਆ....
ਕਰੇ ਚਾਵੜ ਚਾਰ ਦਿਹਾੜੇ
ਓੜਕ ਤੂੰ ਉਠ ਜਾਣਾ।
ਇਨ੍ਹਾਂ ਸਭਨਾ ਬੀ ਏ ਬੁਲ੍ਹਾ
ਔਗੁਣਹਾਰ ਪੁਰਾਣਾ।
ਤੂੰ ਕਿਧਰੋਂ ਆਇਆ ਕਿੱਧਰ ਜਾਣਾ
ਆਪਣਾ ਦੱਸ ਟਿਕਾਣਾ
ਜਿਸ ਠਾਣੇ ਦਾ ਮਾਣ ਕਰੇਂ ਤੂੰ
ਤੇਰੇ ਨਾਲ ਨਾ ਜਾਸੀ ਠਾਣਾ
ਤੋਬਾ ਨਾ ਕਰ ਯਾਰ
ਤੋਬਾ ਨਾ ਕਰ ਯਾਰ ਕੈਸੀ ਤੋਬਾ ਹੈ।
ਨਿਤ ਪਦੇ ਇਸਤਗੁਫਾਰ ਕੈਸੀ ਤੋਬਾ ਹੈ।