ਇਹ ਸਫ਼ਾ ਪ੍ਰਮਾਣਿਤ ਹੈ
ਪਿੱਛੇ ਰਹੇ ਨਾ ਕਿਸੇ ਵੀ ਗਲ ਵਿਚੋਂ,
ਸਦਾ ਇਹੋ ਵਿਚਾਰ ਵੀਚਾਰ ਕਰੀਏ।
ਆਓ ਗਭਰੂ ਛੈਲ ਛਬੀਲ ਵੀਰੋ,
ਸੇਵਾ ਦੇਸ਼ ਦੀ ਮਿਲ ਕੇ ਕਮਾ ਲਈਏ।
ਕੁਝ ਤਾਂ ਆਪਣਾ ਫ਼ਰਜ਼ ਅਦਾ ਕਰੀਏ,
ਕਰਜ਼ਾ ਦੇਸ਼ ਦਾ ਸਿਰੋਂ ਚੁਕਾ ਲਈਏ।
ਦਿਲ ਚਾਹੁੰਦਾ ਏ, ਜੇਕਰ ਧਨੀ ਹੋਵਾਂ,
ਖ਼ਾਤਰ ਦੇਸ਼ ਦੀ ਧਨ ਲੁਟਾ ਦੇਵਾਂ।
ਜੇ ਬਲਵਾਨ ਹੋਵਾਂ, ਹਿੰਦੁਸਤਾਨ ਖ਼ਾਤਰ,
ਲੋੜ ਪਵੇ ਤਾਂ ਜਾਨ ਘੁਮਾ ਦੇਵਾਂ।
ਬਣ ਕੇ ਮਾਸਟਰ ਦੇਸ਼ ਦੇ ਬੱਚਿਆਂ ਨੂੰ,
ਕਰਨਾ ਦੇਸ਼ ਦਾ ਪਿਆਰ ਸਿਖਾ ਦੇਵਾਂ।
ਅਪਣੇ ਦੇਸ਼ ਦੀ ਸੁੱਤੀ ਤਕਦੀਰ ਤਾਂਈਂ,
ਝੂਣ ਝੂਣ ਕੇ ਮੈਂ ਜਗਾ ਦੇਵਾਂ।
ਦੇਵੇ ਰੱਬ ਜੇ ਮੈਨੂੰ ਦਿਮਾਗ਼ ਚੰਗਾ,
ਦਿਨੇ ਰਾਤ ਮੈਂ ਸੋਚਾਂ ਭਲਾਈ ਇਸ ਦੀ!
ਲਖਾਂ ਦਫ਼ਤਰਾਂ ਦੇ ਦਫ਼ਤਰ ਲਿਖ ਮਾਰਾਂ,
ਲਿਖ ਸਕਾਂ ਜੇ ਕਦੀ ਵਡਾਈ ਇਸਦੀ।
ਜੇਕਰ ਕਿਧਰੇ ਖ਼ੁਸ਼ੀ ਦੇ ਵਿਚ ਆਵਾਂ,
ਤਾਂ ਭੀ ਗੀਤ ਗਾਵਾਂ ਹਿੰਦੁਸਤਾਨ ਦੇ ਹੀ।
੬੬.