ਆਓ ਪੰਜਾਬੀ ਸਿੱਖੀਏ/ਅੱਧਕ ਨੂੰ ਟੱਕਰੋ

ਅੱਧਕ ਨੂੰ ਟੱਕਰੋ

ਦੋ ਵਾਰੀ ਜਦ ਬੋਲੇ ਅੱਖਰ
ਤਾਂ ਅੱਧਕ ਨੂੰ ਲੈਣਾ ਟੱਕਰ।

ਬਿਨਾ ਅੱਧਕ ਦੇ ਅੱਖਰ ਕੱਲਾ।
ਸਤ ਸੱਤ ਦਾ ਗਲਾ ਦਾ ਗੱਲਾ।
ਅਰਥ ਹੋਰ ਜਦ ਬਣਦੈ ਮਿੱਤਰ।
ਫੇਰ ਅੱਧਕ ਨੂੰ ...........।

ਕੁੱਤੇ ਦੀ ਜੱਤ ਚਿੱਟੀ ਚਿੱਟੀ।
ਬਿਨਾਂ ਅੱਧਕ ਦੇ ਵਾਕ ਹੈ ਮਿੱਟੀ।
ਜਦੋਂ ਦਿਖੇ ਨਾ ਦੁੱਧ 'ਚ ਸ਼ੱਕਰ।
ਫੇਰ ਅੱਧਕ ਨੂੰ ...........।

ਹਿੰਦੀ ਵਿੱਚ ਇਹ ਦੁੱਤ ਕਹਾਉਂਦਾ।
ਅੱਧਾ ਅੱਖਰ ਪਾਉਣਾ ਪੈਂਦਾ।
ਅੱਧਕ ਦਾ ਮਾਇਨਾ ਅੱਧਾ ਅੱਖਰ।
ਵੀਰੋ ਅੱਧਕ ਨੂੰ ...........।

ਬੱਚਾ ਕਾਪੀ ਵਿੱਚ ਲਿਖਲੇ।
ਅੱਖਰ ਬੋਲ ਕੇ ਅੱ ਨਿਕਲੇ।
'ਚਰਨ' ਸਮਝਿਓ ਹੋਰ ਆ ਚੱਕਰ।
ਵੀਰੋ ਅੱਧਕ ਨੂੰ ............।